Haftflichtversécherung fir Administrateuren an Direkteren

Eng Versécherung fir d'Responsabilitéit vun den Administrateuren an Direkteren soll d'Verteidegungskäschten, esouwuel zivil- ewéi och strofrechtlech, decken, an och e Schuedenersaz, wann eng Mise en cause géint en Administrateur oder en Direkter am Kader vu senger Funktioun virläit.

Verséchert sinn:

• de jure-Direkteren, Mandataire-sociallen an de facto-Direkteren, wat all déi Salariéë kënnen sinn, déi d'Direktioun oder d'Kontroll vun enger Aarbecht kënnen iwwerhuelen

Eng Mise en cause géint en Administrateur/Direkter ënner sengem Numm ka gemaach ginn, falls hie géint gesetzlech a reglementairë Bestëmmungen oder géint d'Statute vum Betrib verstouss huet, oder wéinst engem einfache Managementfeeler. Egal wat fir eng Rechtsform de Betrib huet, fir Handlungen, déi dem Betrib schueden, ob et Absicht war oder net, ass bei engem Managementfeeler den Administrateur/Direkter perséinlech haftbar.

D'Garantië fir d'Verteidegungskäschten an de Schuedenersaz goufen erweidert op eng Prise en charge vun de Krisemanagementskäschten am Fall vun enger Mise en cause, vun engem Coaching vum Administrateur/Direkter a besonnesch wa spezialiséiert Prestatairen den Image erëm mussen hierzestellen.

De Betrag vun der Garantie ass a Versécherungsjoren ausgedréckt a stellt e Maximalwäert duer, fir deen de Versécherer opkënnt. D'Haftflichtversécherung fir Administrateuren an Direkteren schützt Iech géint Perten, wann eng Klo viru Geriicht géint Iech virläit wéinst engem Feeler, deen Der am Kader vun Ärer Funktioun gemaach hutt, an och géint Perten, déi zeréckzeféiere sinn op Manquementen an Ären Obligatiounen, Noléissegkeeten, falsch Aussoen, Feeler an Omissiounen, ob se tatsächlech stattfonnt hunn oder nëmme presuméiert sinn.